8/2/16

Catedral de Tui: capela de san Telmo


Cameselle e Iglesias  afirman que esta capela, tamén chamada das reliquias,

"Foi construída polo bispo don Diego de Torquemada no século XVI. O 27 de abril de 1579 trasladou a ela as reliquias de san Telmo que se atopaban na actual capela do Santo Cristo, colocándoas nunha urna de prata sobre un magnífico retablo hoxe desparecido.

É de estilo renacentista e cóbrese con fermosa bóveda nervada.  As armas do bispo figuran na clave da mesma e sobre o arcosolio da súa sepultura situada á man dereita, mausoleo con estatuta orante do bispo, obra do ano 1598 realizada polo mestre tudense Melchor Alonso Feal.

(...) A capela foi ampliada no século XVIII polo bispo don Fernando Ignacio de Arango e Queipo tamén devoto de san Telmo. Presenta unha decorada cúpula barroca e nas súas pechinas as imaxes dos santos locais san Epitacio e san Evasio, primeiros bispos tudenses, san Peio e san Xián, que se venera na capela do monte Aloia. Cobre o muro do fondo o altar-relicario presididio pola imaxe de san Telmo, obra do escultor Francisco Alonso de Castro, de Porriño, que realiza en 1735 na canidad de 3.000 reais”. pp.15-18

Cameselle Bastos, D. e Iglesias Almeida, E. La catedral de Tui. León, Edilesa, 2004. 

13/1/16

Alejandro Aravena, Premio Pritzker de arquitectura 2016

O premio Pritzker 2016 foi para o chileno Alejandro Aravena

7/1/16

31/12/15

2016, sexas ben chegado

15/12/15

Visitamos Santa María de Cambre


O pasado venres 4 de Decembro, o alumnado da clase de 2º BACH B do IES Afonso X O Sabio acudimos á igrexa románica de Santa María de Cambre co motivo de visualizar mellor, se cabe, os coñecementos da arte románica adquiridos nas clases de Historia da Arte.

O encargado de mostrarnos a beleza e a espectacularidade desta igrexa foi Ramón bOGA,un home que ademais de historiador, participa nunha agrupación política (é o concelleiro de Cultura de Cambre).

Desde o primeiro momento no que Ramón comezou falar desta obra de arte, quedei abraiado, non só pola multitude de coñecementos que tiña, senón pola súa capacidade para relacionar todas as diferentes interpretacións da igrexa.

A visita comezou coa explicación da relación entre o alzado e a planta (xa que nalgúns aspectos do alzado compártese a planta da cruz latina). Continuou coa análise das diferentes molduras decorativas das arquivoltas do arco que representaban múltiples esceas importantes da Biblia. Dende o meu punto de vista, o máis importante foi o paralelismo ao representar os dous libros que compoñen a Biblia, a primeira, na clave da arquivolta exterior, e a segunda, nas ménsulas situadas nos lados baixo o lintel da porta.

O seguinte foi entrar na igrexa e, como é propio das igrexas románicas, a primeira visión apunta cara o altar.

No seu interior atópanse diferentes programas escultóricos decorando os capiteis ou as basas.

Pareceume unha visita bastante interesante, tanto desde o punto vista artístico, coma desde o punto de vista da aprendizaxe para o noso exame. Ademais esta visita facilitounos, polo menos a min, a visualización de moito vocabulario.


Carlos Santiago Pier 2º BACH B

12/12/15

Sen comentarios XLIX

Igrexa de Sant Llátzer na Praza do Pedró en "El Raval" Barcelona. Foto de José Manuel Castro Prieto. 




10/12/15

Catedral de Tui: claustro

Os docentes Manso e Yzquierdo afirman sobre esta peza:


"O claustro, situado no lado sur da basílica, púidose iniciar contra mediados do século. No ano 1264 concluíra o alzado orixinal. Presenta planta cadrada e corredores con bóvedas de crucería que voltean sobre capiteis-ménsula ou sobre ménsulas corridas con motivos vexetais nos muros do interior, e sobre piares compostos con columnas e capiteis encaixados nos lados que comunican co patio. As arcadas de cada tramo organízanse en arquiños oxivais con columnas e capiteis emparellados, agás a do corredor oriental, situada fronte ao ingreso á sala capitular, que ofrece tres arcos oxivais pequenos. Todos eles están gorecidos por un arco maior de descarga que voltea sobre piares e está flanqueado por contrafortes que reciben o peso dos arcos perpiaños das galerías. A maioría dos capiteis presentan follas longas lisas ou de escaso resalte, e remates en croxé, de influencia cisterciense. Outros ofrecen follas lobuladas de formas máis naturalistas, que lembran as dos tramos occidentais do templo. A talla de todos eles, de pouco calidade, acusa tanto a decadencia do estilo importado coma a da arte rexional. O conxunto do alzado é moi valioso, pois é o único claustro catedralicio que conservamos deste período, ao parecer inspirado en modelos cistercienses". pp. 261-262.

Bango Torviso, I. G., Arquitectura románica en Pontevedra. A Coruña, 1979.
Cameselle Bastos, D. e Iglesias Almeida, E. La catedral de Tui. León, Edilesa, 2004.

Carmen Manso Porto e Ramón Yzquierdo Perrín. Arte. Galicia. A Coruña, Hércules, 1993. Tomo XI.